SET Exam Postponed 2026 : विद्यार्थ्यांना मोठा दिलासा! ४१ वी SET परीक्षा पुढे ढकलली; आता ‘या’ दिवशी होणार परीक्षा

SET Exam Postponed 2026

MHDU News

राज्यातील हजारो विद्यार्थ्यांसाठी मोठी आणि दिलासादायक बातमी समोर आली आहे. महाराष्ट्र आणि गोवा राज्यातील विद्यापीठे तसेच वरिष्ठ महाविद्यालयांमध्ये सहाय्यक प्राध्यापक पदासाठी आवश्यक असलेली ४१ वी राज्यस्तरीय पात्रता परीक्षा (SET) पुढे ढकलण्यात आली आहे. यापूर्वी २६ जुलै रोजी नियोजित असलेली ही परीक्षा आता ६ सप्टेंबर रोजी होणार आहे.

सावित्रीबाई फुले पुणे विद्यापीठाच्या SET विभागामार्फत ही परीक्षा आयोजित केली जाते. राज्य सरकारची नोडल एजन्सी म्हणून हा विभाग UGC च्या मार्गदर्शक तत्त्वांनुसार परीक्षा पार पाडतो.

विद्यार्थ्यांनी का केली होती परीक्षा पुढे ढकलण्याची मागणी?

यावर्षी २६ जुलै रोजीच महाराष्ट्र लोकसेवा आयोगाच्या (MPSC) विविध भरती परीक्षा देखील आयोजित करण्यात आल्या होत्या. त्यामुळे अनेक विद्यार्थी दोन्ही परीक्षांची तयारी करत असल्याने त्यांच्यासमोर मोठा पेच निर्माण झाला होता. एकाच दिवशी दोन महत्त्वाच्या परीक्षा असल्यामुळे विद्यार्थ्यांना एका परीक्षेची संधी गमवावी लागण्याची शक्यता होती.

याशिवाय, राज्यभर सुरू असलेल्या आषाढी वारीमुळे अनेक प्रमुख मार्गांवरील वाहतूक व्यवस्थेवर परिणाम होण्याची शक्यता व्यक्त करण्यात आली होती. सार्वजनिक वाहतूक, रस्ते आणि परीक्षा केंद्रांपर्यंत वेळेत पोहोचण्याबाबत विद्यार्थ्यांनी चिंता व्यक्त करत परीक्षा पुढे ढकलण्याची मागणी केली होती.

विद्यार्थ्यांना मिळाला अतिरिक्त वेळ

विद्यार्थ्यांच्या मागणीचा सकारात्मक विचार करत प्रशासनाने परीक्षा पुढे ढकलण्याचा निर्णय घेतला. त्यामुळे आता SET आणि MPSC या दोन्ही परीक्षांची तयारी करणाऱ्या विद्यार्थ्यांना नियोजनबद्ध अभ्यासासाठी अधिक वेळ मिळणार आहे. नवीन वेळापत्रकानुसार ४१ वी SET परीक्षा ६ सप्टेंबर रोजी पार पडणार असून विद्यार्थ्यांना तयारी अधिक मजबूत करण्याची संधी मिळाली आहे.

SET Exam Postponed 2026

शिक्षकांची फसवणूक करणारा रिपाइं शिक्षक आघाडीचा जिल्हाध्यक्ष गजाआड; ‘शालार्थ’ घोटाळ्यात नाशिक पोलिसांची मोठी कारवाई, न्यायालयात 11 हजार पानांचं दोषारोपपत्र सादर