Nashik Police Commissioner Sandeep Karnik Prohibitory Order : नाशिककरांसाठी मोठी बातमी! पोलीस आयुक्त संदीप कर्णिक यांचा 4 ऑक्टोबरपर्यंत कडक मनाई आदेश; नियम मोडल्यास थेट कारवाई

Nashik Police Commissioner Sandeep Karnik Prohibitory Order

नाशिक | दि. ८ ऑगस्ट २०२६ :
नाशिक शहरातील कायदा व सुव्यवस्था अबाधित राखण्यासाठी नाशिक शहर पोलीस आयुक्त संदीप कर्णिक यांनी सुरक्षा संहितेच्या कलम 163 (1) व (3) अंतर्गत महत्त्वाचा मनाई आदेश जारी केला आहे. हा आदेश 6 ऑगस्ट 2026 रोजी मध्यरात्रीपासून ते 4 ऑक्टोबर 2026 रोजी रात्री 12 वाजेपर्यंत नाशिक शहर पोलीस आयुक्तालयाच्या संपूर्ण कार्यक्षेत्रात लागू राहणार आहे.

पोलीस आयुक्त संदीप कर्णिक यांनी जारी केलेल्या आदेशानुसार, मंदिर, मशीद, चर्च, गुरुद्वारा, धर्मशाळा, हॉटेल, लॉज तसेच घरमालकांनी आपल्या ठिकाणी वास्तव्यास असलेल्या भाडेकरूंची संपूर्ण माहिती संबंधित पोलीस ठाण्यात देणे बंधनकारक करण्यात आले आहे.

या माहितीसोबत संबंधित भाडेकरूंचे ओळखपत्र, मूळ पत्त्याचा पुरावा, अलीकडील छायाचित्र आणि भाडेकराराची प्रत सादर करावी लागणार आहे. ही माहिती www.nashikpolice.gov.in या संकेतस्थळावर ऑनलाइन पद्धतीनेही सादर करता येणार आहे.

याशिवाय परदेशी नागरिकांची माहिती, वाहनांची खरेदी-विक्री करणारे व्यावसायिक, भंगार विक्रेते, सिमकार्ड विक्रेते, सायबर कॅफे चालक, तसेच औद्योगिक मनुष्यबळ आणि सुरक्षा रक्षक पुरवणाऱ्या एजन्सींनाही संबंधित व्यक्तींची संपूर्ण माहिती अद्ययावत ठेवून ती पोलीस प्रशासनाकडे सादर करणे बंधनकारक करण्यात आले आहे.

या आदेशाच्या माध्यमातून संबंधित व्यक्ती, व्यावसायिक आणि संस्थांना त्यांच्या कार्यक्षेत्राशी संबंधित माहिती पोलीस प्रशासनाला उपलब्ध करून देण्याचे निर्देश देण्यात आले आहेत.

आदेशाचे उल्लंघन करणाऱ्यांवर कठोर कारवाईचा इशारा (Nashik Police Commissioner Sandeep Karnik Prohibitory Order)

पोलीस आयुक्त संदीप कर्णिक यांनी स्पष्ट इशारा दिला आहे की, या मनाई आदेशाचे उल्लंघन करणाऱ्यांविरुद्ध महाराष्ट्र पोलीस कायदा कलम 223 तसेच इतर लागू कायद्यांनुसार कठोर कायदेशीर कारवाई करण्यात येईल.

नाशिक शहर पोलीस आयुक्तांनी नागरिक, घरमालक, व्यावसायिक आणि संबंधित संस्थांनी या आदेशाचे काटेकोरपणे पालन करून नाशिक शहरातील कायदा व सुव्यवस्था कायम राखण्यासाठी पोलीस प्रशासनाला सहकार्य करण्याचे आवाहन केले आहे.

त्यामुळे 6 ऑगस्ट 2026 च्या मध्यरात्रीपासून 4 ऑक्टोबर 2026 रोजी रात्री 12 वाजेपर्यंत हा आदेश नाशिक शहर पोलीस आयुक्तालयाच्या संपूर्ण कार्यक्षेत्रात लागू राहणार असून, संबंधितांनी आदेशातील नियमांचे पालन करणे आवश्यक आहे.

प्रतिनिधी : कुणाल दानेच Nashik Police Commissioner Sandeep Karnik Prohibitory Order

 “बहुतेक आजारांचे मूळ पचनप्रक्रियेत; लक्षणांवर नव्हे तर आजाराच्या मुळावर उपचार महत्त्वाचे” – डॉ. प्रवीण केंगे