Nashik Crime Rupali Patil Murder Case
नाशिक : वाडीवऱ्हे परिसरातील सांजेगाव येथे प्रेमसंबंधातून झालेल्या वादानंतर विवाहित महिलेचा कारच्या धडकेत मृत्यू झाल्याची धक्कादायक घटना समोर आली आहे. सुरुवातीला ही घटना अपघात असल्याचे भासत असतानाच पोलिस तपासात या प्रकरणाला वेगळे वळण मिळाले. या प्रकरणी महिलेचा प्रियकर दीपक शिवाजी सैंदाणे (वय 43) याला वाडीवऱ्हे पोलिसांनी अटक केली आहे.
मृत महिलेचे नाव रूपाली नीलेश पाटील (वय 34) असून त्या नाशिकच्या अंबड परिसरातील रहिवासी असल्याची माहिती समोर आली आहे. त्या सिडको परिसरातील एका डायग्नोस्टिक सेंटरमध्ये कार्यरत असल्याचे वृत्त आहे. रूपाली पाटील आणि दीपक सैंदाणे हे दोघेही विवाहित असून, गेल्या सुमारे दोन वर्षांपासून त्यांच्यात प्रेमसंबंध असल्याची माहिती पोलिस तपासात समोर आल्याचे वृत्त आहे.
रिसॉर्टच्या गेटजवळ घडली घटना _ Nashik Crime Rupali Patil Murder Case
मिळालेल्या माहितीनुसार, दोघे कारमधून वाडीवऱ्हे परिसरातील सांजेगाव येथे गेले होते. तेथील मिरची हॉटेल-रिसॉर्टच्या प्रवेशद्वाराजवळ दोघांमध्ये काही कारणावरून वाद झाला. वाद वाढल्यानंतर रूपाली पाटील या कारमधून खाली उतरून रिसॉर्टच्या प्रवेशद्वाराच्या दिशेने जात होत्या.
यावेळी दीपक सैंदाणे याने कार पाठीमागून वेगाने नेत रूपाली यांच्या अंगावर घातल्याचा आरोप आहे. कारची जोरदार धडक बसल्याने त्या गंभीर जखमी झाल्या. त्यानंतर कार रिसॉर्टच्या लोखंडी गेटवर जाऊन आदळली. गंभीर जखमी झालेल्या रूपाली यांचा या घटनेत मृत्यू झाला.
सुरुवातीला अपघाताचा संशय; तपासात हत्येचा संशय बळावला _ Nashik Crime Rupali Patil Murder Case
घटनेनंतर प्रथमदर्शनी हा अपघात असल्याचे भासत होते. मात्र, घटनास्थळावरील परिस्थिती आणि इतर बाबी संशयास्पद वाटल्याने वाडीवऱ्हे पोलिसांनी तपासाची दिशा बदलली. चौकशीदरम्यान रूपाली आणि दीपक यांच्यातील प्रेमसंबंधाची माहिती समोर आली.
पोलिसांनी दीपक सैंदाणे याला ताब्यात घेऊन कसून चौकशी केली. चौकशीत दोघांमध्ये सुमारे दोन वर्षांपासून प्रेमसंबंध असल्याची कबुली त्याने दिल्याचे वृत्त आहे. त्यानंतर या प्रकरणाला अपघाताऐवजी हत्येचे स्वरूप असल्याचा तपास पोलिसांनी पुढे नेला.
वादाचे नेमके कारण काय? _ Nashik Crime Rupali Patil Murder Case
घटनेपूर्वी दोघांमध्ये नेमका कोणत्या कारणावरून वाद झाला, वादाचे स्वरूप काय होते आणि कार अंगावर घालण्यामागे नेमका उद्देश काय होता, याचा तपास वाडीवऱ्हे पोलिसांकडून सुरू आहे.
काही वृत्तांनुसार, घटनेपूर्वी दीपकने कारमध्ये मद्यपान केल्याची माहिती तपासादरम्यान समोर आली आहे. मात्र, या बाबीचा अधिकृत तपास आणि त्याची कायदेशीर पुष्टी होणे बाकी आहे.
कुटुंबावर दु:खाचा डोंगर
रूपाली पाटील यांच्या पश्चात पती, सात वर्षांची मुलगी आणि सासू-सासरे असा परिवार असल्याचे वृत्त आहे. या घटनेमुळे त्यांच्या कुटुंबीयांवर दु:खाचा डोंगर कोसळला असून, सिडको परिसरातही या घटनेची चर्चा सुरू झाली आहे.
या प्रकरणी वाडीवऱ्हे पोलिसांकडून पुढील तपास सुरू असून, दोघांमधील वादाचे नेमके कारण, घटनेचा संपूर्ण घटनाक्रम आणि आरोपीचा हेतू याबाबत तपासातून अधिक माहिती समोर येण्याची शक्यता आहे.
प्रतिनिधी : कुणाल दानेच Nashik Crime Rupali Patil Murder Case
[…] […]
The registration was so quick and the welcome bonus is actually generous. I am really enjoying the slot variety here. Definitely visit 55vip777loginregister to get started.
Honestly, this is the smoothest login experience I have had in a while. The app is super responsive and I didn’t face any lag. Definitely a solid choice for anyone looking for a reliable platform. Check out 999dbloginapp for more info.