Nashik Liquor Smuggling Case Mumbai Naka

मुंबई नाक्यावर १२ चाकी ट्रकमधून मद्याची तस्करी; २.१४ कोटींचा मुद्देमाल जप्त

नाशिक | दि. ११ ऑगस्ट २०२६ : गटारी अमावस्येच्या पार्श्वभूमीवर राज्य उत्पादन शुल्क विभागाच्या ‘ब’ विभाग, नाशिक यांनी अवैध मद्य वाहतुकीविरोधात धडक कारवाई केली. मुंबई नाका परिसरातील नंदिनी नदीच्या पुलाजवळ मुंबई-आग्रा महामार्गाच्या सर्व्हिस रोडवर करण्यात आलेल्या या कारवाईत परराज्यातील विदेशी मद्यसाठ्यासह १२ चाकी ट्रक जप्त करण्यात आला.

या कारवाईत गोवा निर्मित व मध्य प्रदेशात विक्रीस असलेला १५,७२०.३२ लिटर मद्यसाठा, एकूण १,५८८ बॉक्स, जप्त करण्यात आला. या मद्यसाठ्यासह लाल-हिरव्या रंगाचा १२ चाकी टाटा ट्रक क्रमांक KA-21-C-3692 आणि एक मोबाईल संच असा एकूण ₹२,१४,७४,६००/- (२ कोटी १४ लाख ७४ हजार ६०० रुपये) किमतीचा मुद्देमाल जप्त करण्यात आला.

या प्रकरणात रमेश कुमार पुरखाराम विश्नोई (वय ३१, रा. बाडमेर, राजस्थान) याला ताब्यात घेण्यात आले असून तो वाहन चालक असल्याची माहिती राज्य उत्पादन शुल्क विभागाने दिली आहे. ट्रक मालक तसेच इतर संशयित फरार असल्याचे सांगण्यात आले आहे.

ही कारवाई राज्य उत्पादन शुल्क आयुक्त मा. डॉ. राजेश देशमुख, सहआयुक्त मा. श्री. प्रसाद सुर्वे, विभागीय उप-आयुक्त मा. सौ. उषा वर्मा आणि अधीक्षक मा. श्री. संतोष झागडे यांच्या मार्गदर्शनाखाली करण्यात आली.

कारवाईमध्ये निरीक्षक श्री. आर. जे. पाटील, दुय्यम निरीक्षक धीरज जाधव, जी. जी. अहिरराव, पी. पी. वाघ व त्यांच्या सहकाऱ्यांचा सहभाग होता.

जप्त मुद्देमालाचा तपशील (Nashik Liquor Smuggling Case Mumbai Naka)

• विदेशी मद्यसाठा: १५,७२०.३२ लिटर
• बॉक्स: १,५८८
• मद्याचा प्रकार: गोवा निर्मित, मध्य प्रदेशात विक्रीस असलेला
• वाहन: १२ चाकी टाटा ट्रक
• ट्रक क्रमांक: KA-21-C-3692
• मोबाईल संच: १
• एकूण मुद्देमाल: ₹२,१४,७४,६००/-

राज्य उत्पादन शुल्क विभागाच्या या कारवाईमुळे नाशिकमध्ये परराज्यातून होणाऱ्या अवैध मद्य वाहतुकीवर मोठी कारवाई झाल्याचे समोर आले आहे.

-प्रतिनिधी | कुणाल दानेच Nashik Liquor Smuggling Case Mumbai Naka

Nashik Traffic Management Review By Commissioners : द्वारका चौक, त्र्यंबक रस्त्याचा एक मार्ग 31 ऑगस्टपर्यंत खुला करण्याचे निर्देश