Pune Court Suicide
पुणे (प्रतिनिधी) – न्याय मिळत नसल्याच्या नैराश्यातून एक धक्कादायक घटना पुण्यातील शिवाजीनगर न्यायालय परिसरात घडली आहे. नामदेव जाधव या ५५ वर्षीय व्यक्तीने (Pune Court Suicide) कोर्टाच्या चौथ्या मजल्यावरून उडी मारून आत्महत्या केली आहे. या घटनेमुळे संपूर्ण न्यायालय परिसरात मोठी खळबळ उडाली आहे.
मिळालेल्या माहितीनुसार, नामदेव जाधव हे सन २००० पासून न्यायासाठी न्यायालयात सतत ये-जा करत होते. आपल्या प्रकरणात न्याय मिळत नसल्याने ते अत्यंत नैराश्यात गेले होते. शेवटी त्यांनी न्यायालयाच्या चौथ्या मजल्यावरून उडी घेत मृत्यूला कवटाळले.
घटनास्थळी पोलिसांनी तातडीने धाव घेतली असता, जाधव यांनी लिहिलेली सुसाईड नोट सापडली आहे. या चिट्ठीत त्यांनी स्पष्टपणे लिहिले आहे की, “मला न्याय मिळाला नाही, म्हणून मी हा निर्णय घेत आहे.”
या घटनेमुळे पुन्हा एकदा न्यायप्रणालीबद्दल गंभीर प्रश्न उपस्थित झाले आहेत. एक नागरिक २५ वर्षांपासून न्यायासाठी कोर्टाची पायरी झिजवत होता, आणि शेवटी न्याय न मिळाल्याने जीव देण्याचा निर्णय घेतो — हे समाजासाठी चिंताजनक आहे.
पोलिसांनी घटनास्थळी पंचनामा करून पुढील तपास सुरू केला आहे. या प्रकरणात न्यायालय प्रशासन व संबंधित प्रकरणातील जबाबदार व्यक्तींवर कारवाई होणार का, याकडे सर्वांचे लक्ष लागले आहे.
📍 घटना स्थळ: शिवाजीनगर न्यायालय, पुणे
📅 दिनांक: 15 ऑक्टोबर 2025
MHDU News Pune Court Suicide
Nashik Crime: Nashik Vani Police Action, Reels ने दहशत निर्माण करणाऱ्या 3 युवकांना वणी पोलिसांचा दणका; आंबेडकर चौकातून काढली धिंड
🎙️ #MHDUUpdate | #PuneNews | #BreakingNews | #CourtCase | #SuicideCase | #PuneCrime | #MaharashtraNews | #MHDU | #mhdunews | #mhdusocial
[…] […]