Suresh Wadkar Bhaubij Pahat Nashik |पद्मश्री सुरेश वाडकर यांच्या सुरेल गायकीने नाशिककर थिरकले! Nashikkar overjoyed

Suresh Wadkar Bhaubij Pahat Nashik

नाशिक : (Suresh Wadkar Bhaubij Pahat Nashik) दिवाळी भाऊबीजच्या शुभपहाटे नाशिककरांसाठी संगीताचा एक अप्रतिम सोहळा रंगला. गंगापूर येथील प्रमोद महाजन गार्डन मध्ये पारंपरिक भाऊबीज पहाट कार्यक्रमाचे आयोजन करण्यात आले होते.
या वर्षीच्या कार्यक्रमाची खास आकर्षण ठरले पद्मश्री सुरेश वाडकर यांचे सुरेल गायन 🎶

सुरेश वाडकर यांच्या “चप्पा चप्पा चरखा चले” या लोकप्रिय गीतावर संपूर्ण नाशिककर थिरकले. त्यांच्या मोहक आवाजाच्या लयीवर नागरिक अक्षरशः बेभान होऊन गाण्याचा आनंद घेत होते.
संगीतमय सकाळी नाशिकचे प्रमोद महाजन गार्डन सूर आणि तालांच्या गंधाने भारून गेले होते.

ही सुरेल परंपरा आमदार देवयानी फरांदे यांनी गेली अनेक वर्षे अखंडपणे जपली आहे. दरवर्षी दिवाळीच्या या मंगल प्रसंगी नाशिककरांसाठी संगीताच्या स्वरांनी सजलेली पहाट रंगवण्याचा उपक्रम त्यांनी सातत्याने सुरू ठेवला आहे.
या संगीत महोत्सवात आतापर्यंत आनंद भाटे (आनंद गांधर्व), आरती अंकलेकर-टिकेकर, शौनक अभिषेकी, देवकी पंडित, पं. राहुल देशपांडे, आर्या आंबेकर अशा अनेक नामांकित कलाकारांनी सहभाग नोंदवला आहे.

यंदाच्या कार्यक्रमात सुरेश वाडकर यांनी एकापाठोपाठ एक लोकप्रिय आणि भावस्पर्शी गाणी सादर केली. रसिकांनी वन्समोअर च्या घोषात प्रत्येक गीतावर उत्स्फूर्त प्रतिसाद दिला. (Suresh Wadkar Bhaubij Pahat Nashik)
कार्यक्रमाच्या अखेरीस “चप्पा चप्पा चरखा चले” सुरू होताच संपूर्ण उद्यानात जल्लोषाचे वातावरण निर्माण झाले. नाशिककर ताल धरून नाचू लागले आणि हा क्षण अविस्मरणीय ठरला.
रसिकांच्या उत्साहाने भारावून स्वतः सुरेश वाडकरही वयाच्या ७२ व्या वर्षी थिरकण्याचा मोह आवरू शकले नाहीत, आणि प्रेक्षकांनी त्यांच्या या क्षणाचे जल्लोषात स्वागत केले.

वाडकर यांना साथ दिली — सत्यजीत प्रभू (कीबोर्ड), सागर साठे (बासरी), अमर ओक (गिटार), मनीष कुलकर्णी (तबला), विनायक नेटके (ढोलक व पखवाज), कृष्णा मुसळे (ऑक्टोपॅड), आणि प्रभाकर मोसमकर यांनी उत्कृष्ट साथसंगत केली.
या कार्यक्रमाचे नियोजन अजिंक्य फरांदे आणि त्यांच्या सहकाऱ्यांनी केले तर स्वाती भामरे यांनी आभार मानले.

कार्यक्रमाला आदिवासी विकास आयुक्त लिना बनसोड, आमदार सीमा हिरे, आरएसएसचे प्रमोद कुलकर्णी, जिल्हा कार्यवाह सुहास वैद्य, माजी आमदार बाळासाहेब सानप, भाजप नेते विजय साने, लक्ष्मण सावजी, शहराध्यक्ष सुनिल केदार, आणि योगेश हिरे यांच्यासह अनेक मान्यवर उपस्थित होते.

🎉 प्रमोद महाजन उद्यानाचे नूतनीकरण व लोकार्पण
या सोहळ्यात आमदार देवयानी फरांदे यांच्या विशेष निधीतून तयार झालेल्या प्रमोद महाजन उद्यानाच्या नूतनीकरण कामाचे लोकार्पणही करण्यात आले.
विभागीय आयुक्त प्रवीण गेडाम यांनी या प्रसंगी उद्यानाच्या देखभालीसाठी आवश्यक निधी उपलब्ध करून दिला जाईल असे आश्वासन दिले.
सुंदर प्रकाशयोजना आणि आकर्षक सजावट यामुळे संपूर्ण परिसर उजळून निघाला होता, आणि संगीत सोहळ्याला दिवाळीची झळाळी लाभली.

MHDU News : Vishal Bhadane Suresh Wadkar Bhaubij Pahat Nashik

Diwali Safety and Sensitivity Tips
मधुरसुर #भाऊबीजपहाट #SureshWadkar #NashikEvent #GangapurGarden #Diwali2025

mhdunews #mhdusocial