Nashik Kumbh Mela Healthcare Recruitment
नाशिक : आगामी सिंहस्थ कुंभमेळ्याच्या पार्श्वभूमीवर नाशिक महानगरपालिकेने आरोग्य यंत्रणा अधिक सक्षम करण्यासाठी महत्त्वाचा निर्णय घेतला आहे. महापालिकेच्या सुधारित कर्मचारी आकृतिबंधाला शासनाची मंजुरी अद्याप मिळालेली नसल्याने कुंभमेळ्याच्या कालावधीतील वाढता कामाचा ताण लक्षात घेऊन सार्वजनिक आरोग्य विभागासाठी १ हजार ६१८ अतिरिक्त वैद्यकीय व निमवैद्यकीय कर्मचाऱ्यांची मानधन तत्त्वावर नियुक्ती करण्यात येणार आहे. या भरतीसाठी सुमारे २० कोटी २४ लाख रुपयांची तरतूद करण्यात आली आहे.
२४ वर्षांपासून नोकरभरती रखडली _ Nashik Kumbh Mela Healthcare Recruitment
नाशिक महानगरपालिकेत गेल्या २४ वर्षांपासून नियमित नोकरभरती झालेली नाही. महापालिकेच्या विद्यमान आस्थापना परिशिष्टात ७ हजार ७२५ पदे मंजूर असून, त्यापैकी सुमारे ३ हजार ८०० पदे सेवानिवृत्ती आणि स्वेच्छानिवृत्तीमुळे रिक्त आहेत. महापालिकेच्या वाढत्या गरजा आणि आगामी सिंहस्थ कुंभमेळ्याचे नियोजन लक्षात घेऊन सुमारे साडेनऊ हजार कर्मचाऱ्यांचा सुधारित आकृतिबंध शासनाकडे मंजुरीसाठी पाठवण्यात आला आहे. मात्र, त्याला अद्याप हिरवा कंदील मिळालेला नाही.
लाखो भाविकांच्या आरोग्यासाठी अतिरिक्त मनुष्यबळ _ Nashik Kumbh Mela Healthcare Recruitment
सिंहस्थ कुंभमेळ्यादरम्यान नाशिकमध्ये लाखो भाविक, साधू-महंत आणि पर्यटक दाखल होण्याची शक्यता आहे. एवढ्या मोठ्या गर्दीच्या काळात संसर्गजन्य आजार, साथरोग, अपघात आणि इतर वैद्यकीय आपत्कालीन परिस्थितींना तोंड देण्यासाठी सक्षम आरोग्य यंत्रणा आवश्यक आहे.
यासाठी महापालिकेच्या सध्याच्या रुग्णालयांमधील सुविधा बळकट करण्यासोबतच नवीन रुग्णालये आणि उपरुग्णालये कार्यान्वित करण्याचे नियोजन आहे. या सर्व सुविधांचे व्यवस्थापन करण्यासाठी अतिरिक्त वैद्यकीय अधिकारी आणि निमवैद्यकीय कर्मचाऱ्यांची आवश्यकता लक्षात घेण्यात आली आहे.
महासभेच्या मंजुरीनंतर भरतीचा मार्ग मोकळा
अतिरिक्त आरोग्य कर्मचाऱ्यांच्या नियुक्तीचा प्रस्ताव महापालिकेच्या महासभेत जादा विषय म्हणून सादर करण्यात आला होता. या प्रस्तावाला मंजुरी मिळाल्याने सिंहस्थ काळातील आरोग्य सेवांसाठी आवश्यक मनुष्यबळ उपलब्ध करून देण्याच्या प्रक्रियेला चालना मिळणार आहे.
२० कोटी २४ लाख रुपयांचा निधी _ Nashik Kumbh Mela Healthcare Recruitment
नाशिक-त्र्यंबकेश्वर सिंहस्थ कुंभमेळा प्राधिकरणाकडून महापालिकेच्या विकासकामांसाठी मंजूर निधीतून सार्वजनिक आरोग्य विभागासाठी २० कोटी २४ लाख रुपयांची तरतूद करण्यात आली आहे. याच निधीतून अतिरिक्त कर्मचाऱ्यांच्या मानधनाचा खर्च भागवण्यात येणार आहे.
या मनुष्यबळाच्या मदतीने आपत्कालीन वैद्यकीय सेवा, रुग्णांवरील उपचार, साथरोग नियंत्रण, आरोग्य सर्वेक्षण आणि प्रतिबंधात्मक उपाययोजना अधिक प्रभावीपणे राबवण्याचे उद्दिष्ट आहे.
सिंहस्थ कुंभमेळ्याच्या काळात नाशिकमध्ये येणाऱ्या भाविकांसह स्थानिक नागरिकांनाही वेळेवर आणि दर्जेदार आरोग्यसेवा मिळावी, यासाठी हा निर्णय महत्त्वाचा मानला जात आहे.
_ Nashik Kumbh Mela Healthcare Recruitment
Absolutely loving the gameplay here. The graphics are sharp and the winning streaks are real. Join krevoplay