Nashik Job Fair 14 August 2026
नाशिक : सरकारी नोकरीतील मर्यादित संधी आणि खासगी क्षेत्रातील वाढती स्पर्धा यामुळे रोजगाराच्या शोधात असलेल्या युवकांसमोर मोठे आव्हान निर्माण झाले आहे. अशा परिस्थितीत नाशिक जिल्हा कौशल्य विकास, रोजगार व उद्योजकता मार्गदर्शन केंद्राच्या माध्यमातून युवकांना रोजगाराच्या संधी उपलब्ध करून देण्यासाठी १४ ऑगस्ट रोजी ‘जागेवर निवड संधी’ रोजगार मेळाव्याचे आयोजन करण्यात आले आहे.
मुख्यमंत्री युवा कार्य प्रशिक्षण योजना अंतर्गत होणाऱ्या या रोजगार मेळाव्यात पात्र उमेदवारांना कंपन्यांच्या प्रतिनिधींसमोर थेट मुलाखतीची संधी मिळणार आहे. त्यामुळे नोकरीच्या शोधात असलेल्या नाशिक जिल्ह्यातील युवक-युवतींसाठी हा मेळावा महत्त्वाचा ठरणार आहे.
४० हून अधिक रोजगाराच्या संधी_ Nashik Job Fair 14 August 2026
सातपूर येथील ऋषभ इन्स्ट्रुमेंट लिमिटेड यांच्याकडून विविध शैक्षणिक पात्रतेच्या उमेदवारांसाठी एकूण ४० हून अधिक रोजगाराच्या संधी उपलब्ध करून देण्यात येणार आहेत.
या मेळाव्यासाठी ITI Electrical, Electronics, COPA, Wireman, Machinist, Fitter, Turner, PPO, Diploma तसेच पदवीधर उमेदवारांना सहभागी होता येणार आहे. महिला उमेदवारांसाठीही आवश्यक व्यवस्था करण्यात आली आहे.
रोजगार मेळावा कुठे आणि कधी?_ Nashik Job Fair 14 August 2026
📅 दिनांक : १४ ऑगस्ट २०२६
⏰ वेळ : सकाळी ११ ते दुपारी २ वाजेपर्यंत
📍 स्थळ : नाशिक जिल्हा कौशल्य विकास, रोजगार व उद्योजकता मार्गदर्शन केंद्र, प्रगत व्यवसाय प्रशिक्षण पद्धती इमारत, पहिला मजला, ITI सातपूर परिसर, त्र्यंबक रोड, नाशिक – ४२२ ००७.
उमेदवारांनी ऑनलाइन नोंदणी करून अर्ज करावा
नोकरी इच्छुक उमेदवारांनी सेवायोजन नोंदणी केलेली नसल्यास https://rojgar.mahaswayam.gov.in या संकेतस्थळावर नोंदणी करावी. त्यानंतर लॉगिन करून आपल्या शैक्षणिक पात्रतेनुसार उपलब्ध रिक्तपदांसाठी ऑनलाइन अर्ज करता येणार आहे.
भरती इच्छुक नियोजकांनीही www.rojgar.mahaswayam.gov.in या वेबपोर्टलवर ‘Pandit Dindayal Upadhyay Job Fair’ या पर्यायावर क्लिक करून ‘पंडित दीनदयाळ उपाध्याय रोजगार मेळावा’ अंतर्गत रिक्तपदे अधिसूचित करावीत. तसेच १४ ऑगस्ट रोजी सकाळी ११ वाजता उमेदवारांच्या मुलाखती घेण्यासाठी प्रत्यक्ष उपस्थित राहावे, असे कळविण्यात आले आहे.
रोजगार मेळाव्याबाबत काही अडचण असल्यास कार्यालयीन वेळेत ०२५३-२९९३३२१ या दूरध्वनी क्रमांकावर संपर्क साधता येईल.
नाशिक जिल्ह्यातील जास्तीत जास्त भरती इच्छुक कंपन्यांचे प्रतिनिधी आणि बेरोजगार युवक-युवतींनी या रोजगार मेळाव्यास उपस्थित राहून उपलब्ध संधींचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त वि. रा. रिसे यांनी केले आहे.
Nashik Job Fair 14 August 2026
[…] […]
[2162]f1casino Official Login | বাংলাদেশে সেরা অনলাইন স্লটস ও বিকাশ পেমেন্ট,f1casino-তে আজই লগইন করুন এবং সেরা অনলাইন স্লটস উপভোগ করুন। দ্রুত বিকাশ পেমেন্ট এবং সহজ গাইডলাইন সহ অ্যাপটি ডাউনলোড করে খেলা শুরু করুন। visit: f1casino
The APK works perfectly on my Android phone. No lags and the gameplay is seamless. Great job on phlwinapk.