Sharmila Dhankar Commonwealth Games 2026 Gold Medal
ग्लासगो : कॉमनवेल्थ गेम्स 2026 मध्ये भारताच्या पॅरा ॲथलेटिक्स संघाने ऐतिहासिक कामगिरीची नोंद केली आहे. महिला शॉटपुट F57 प्रकारात भारताच्या शर्मिला धनखड यांनी 9.81 मीटरची हंगामातील सर्वोत्तम फेक नोंदवत सुवर्णपदक पटकावले.
या विजयासह राष्ट्रकुल स्पर्धेच्या इतिहासात पॅरा ॲथलेटिक्समध्ये सुवर्णपदक जिंकणाऱ्या पहिल्या भारतीय खेळाडू होण्याचा मान शर्मिला धनखड यांनी मिळवला. त्यांच्या या ऐतिहासिक यशामुळे भारताच्या पॅरा क्रीडा इतिहासात सुवर्णाक्षरांनी नोंद झाली आहे.
शर्मिला यांचा प्रवास संघर्ष, जिद्द आणि अथक मेहनतीचा आहे. प्रतिकूल परिस्थितीवर मात करत त्यांनी जागतिक स्तरावर भारताचा तिरंगा अभिमानाने फडकावला. त्यांच्या या यशामुळे देशभरातून त्यांच्यावर अभिनंदनाचा वर्षाव होत असून, लाखो युवा आणि पॅरा खेळाडूंना त्यांच्या कामगिरीतून प्रेरणा मिळत आहे.
भारतासाठी अभिमानाचा हा क्षण असून, आगामी आंतरराष्ट्रीय स्पर्धांमध्येही शर्मिला धनखड यांच्याकडून अशाच दमदार कामगिरीची अपेक्षा व्यक्त केली जात आहे.
Sharmila Dhankar Commonwealth Games 2026 Gold Medal