Railway Food Quality Complaints MHDU News

देशातील लाखो नागरिक दररोज रेल्वेने प्रवास करतात. अनेक प्रवासी लांब पल्ल्याच्या प्रवासादरम्यान रेल्वेमध्ये उपलब्ध असलेल्या जेवणावर अवलंबून असतात. मात्र, गेल्या काही वर्षांपासून रेल्वेतील जेवणाच्या दर्जाबाबत सातत्याने गंभीर तक्रारी समोर येत आहेत. निकृष्ट दर्जाचे अन्न, अस्वच्छता, अर्धवट शिजलेले पदार्थ, शिळे अन्न, चवीचा अभाव, कमी प्रमाणात जेवण आणि काही ठिकाणी जास्त पैसे आकारले जात असल्याच्या तक्रारी प्रवाशांकडून वारंवार केल्या जात आहेत.

अमरावतीहून पुण्याकडे प्रवास करणाऱ्या एका प्रवाशाने रेल्वेत मिळालेल्या जेवणाबाबत अत्यंत नाराजी व्यक्त केली आहे. त्यानुसार, पनीर रबरसारखे होते, भात अर्धवट शिजलेला आणि शिळा वाटत होता, वरण हे फक्त पिवळे पाणी असल्यासारखे होते, कोणत्याही पदार्थात चव नव्हती आणि चपातीही खाण्यायोग्य नव्हती. “अशा जेवणापेक्षा उपाशी राहिलेले बरे,” अशी भावना त्यांनी व्यक्त केली.

हा अनुभव केवळ एका प्रवाशापुरता मर्यादित नसून देशभरातून अशाच प्रकारच्या अनेक तक्रारी सातत्याने समोर येत आहेत. अनेक वेळा अन्नात स्वच्छतेचा अभाव, थंड झालेले जेवण, निकृष्ट दर्जाचे पॅकिंग, पिण्याच्या पाण्याची समस्या, बिल न देणे, तसेच निर्धारित दरापेक्षा अधिक पैसे आकारल्याच्या घटनाही समोर आल्या आहेत. सोशल मीडियावर अशा अनेक पोस्ट आणि व्हिडिओ व्हायरल होत असतात, ज्यामुळे रेल्वे केटरिंग व्यवस्थेवर प्रश्नचिन्ह उपस्थित होत आहे. (Railway Food Quality Complaints MHDU News)

प्रवाशांचे म्हणणे आहे की, रेल्वेतील अन्न ही केवळ सुविधा नसून ती थेट आरोग्याशी संबंधित बाब आहे. लहान मुले, ज्येष्ठ नागरिक, महिला आणि आजारी प्रवासी यांना रेल्वेतील जेवणावरच अवलंबून राहावे लागते. अशा परिस्थितीत निकृष्ट दर्जाचे अन्न मिळाल्यास त्यांच्या आरोग्यावर गंभीर परिणाम होऊ शकतो. (Railway Food Quality Complaints MHDU News)

यामुळे रेल्वे प्रशासनाने केटरिंग सेवांवर नियमित तपासणी करणे, अन्नाची गुणवत्ता आणि स्वच्छतेचे कठोर ऑडिट करणे, दोषी कंत्राटदारांवर कठोर कारवाई करणे, प्रवाशांच्या तक्रारींवर तात्काळ कार्यवाही करणे आणि प्रत्येक प्रवाशाला सुरक्षित व दर्जेदार अन्न मिळेल याची हमी देणे आवश्यक असल्याची मागणी नागरिकांकडून होत आहे.

दरम्यान, आपल्या कठोर आणि शिस्तप्रिय कार्यपद्धतीसाठी ओळखले जाणारे तुकाराम मुंढे यांनी या विषयाकडे विशेष लक्ष द्यावे, रेल्वेतील अन्नाच्या गुणवत्तेची प्रत्यक्ष पाहणी व्हावी आणि प्रवाशांना दर्जेदार अन्न मिळावे, अशी नागरिकांची भावना व्यक्त होत आहे.

रेल्वे प्रवास अधिक सुरक्षित आणि सुखकर करण्यासाठी अन्नाची गुणवत्ता सुधारणे ही काळाची गरज असून, संबंधित विभागाने याकडे गांभीर्याने लक्ष देण्याची आवश्यकता आहे.

Railway Food Quality Complaints MHDU News

Swati Walve Suicide Note Case : आत्महत्येपूर्वी विवाहितेची 9 पानी सुसाईड नोट; पतीसह चौघांविरोधात गुन्हा दाखल