Nashik Auto Rickshaw Fare Hike July 2026
प्रतिनिधी | दीपक सरोदे
नाशिक | 20 जुलै 2026 : खटुआ समितीच्या शिफारशीच्या आधारे तसेच सध्याचा महागाई निर्देशांक आणि वाढलेले इंधन दर विचारात घेऊन प्रादेशिक परिवहन प्राधिकरणाने नाशिक शहरातील ऑटोरिक्षांच्या भाडेदरात सुधारणा केली आहे. हे नवीन दर 6 जुलै 2026 पासून लागू करण्यात आले असल्याची माहिती प्रादेशिक परिवहन प्राधिकरण तथा प्रादेशिक परिवहन अधिकारी यांनी प्रसिद्धीपत्रकाद्वारे दिली आहे.
सुधारित ऑटोरिक्षा भाडेदर
पहिले 1.5 किलोमीटर (किमान भाडे): ₹35 (पूर्वी ₹27)
त्यानंतर प्रत्येक किलोमीटरसाठी: ₹23 (पूर्वी ₹18)
प्रादेशिक परिवहन प्राधिकरणाने सर्व ऑटोरिक्षा परवानाधारकांना 6 जुलै 2026 ते 5 सप्टेंबर 2026 या कालावधीत भाडेमीटरचे री-कॅलिब्रेशन करून घेण्याचे निर्देश दिले आहेत. निर्धारित मुदतीत री-कॅलिब्रेशन न केल्यास 5 सप्टेंबर 2026 पर्यंतच जुने टॅरिफ कार्ड वैध राहणार असल्याचेही स्पष्ट करण्यात आले आहे.
दरम्यान, भाडेवाढीमुळे सर्वसामान्य नागरिकांवर आणखी आर्थिक भार पडणार असल्याची भावना अनेकांकडून व्यक्त केली जात आहे. वाढती महागाई, इंधनाचे दर आणि दैनंदिन खर्च यामुळे सामान्यांचे जीवन अधिक कठीण होत असल्याची चर्चा नागरिकांमध्ये सुरू आहे.
काही नागरिकांनी केंद्र सरकारने महागाई नियंत्रणासाठी प्रभावी उपाययोजना कराव्यात, अशी अपेक्षाही व्यक्त केली आहे. इंधन दर आणि त्याचा वाहतूक खर्चावर होणारा परिणाम यामुळे जीवनावश्यक वस्तूंसह सर्वच क्षेत्रांवर परिणाम होत असल्याचे मत नागरिकांकडून मांडले जात आहे.
टीप: वरील शेवटच्या परिच्छेदातील नागरिकांच्या भावना या सार्वजनिक प्रतिक्रिया असून त्या अधिकृत सरकारी भूमिकेचे प्रतिनिधित्व करत नाहीत.
Nashik Auto Rickshaw Fare Hike July 2026
सिन्नर शहरात अवैधरित्या वास्तव्यास असलेले 2 बांग्लादेशी नागरिक ताब्यात
[…] […]