Nashik MD Drug Seizure :
नाशिक : मुंबई नाका परिसरात अमली पदार्थ (एमडी – मॅफेड्रॉन) विक्रीसाठी आलेल्या एका सराईत तस्कराला अटक करण्यात आली आहे. या कारवाईत पोलिसांनी सुमारे ६५ हजार रुपये किमतीचे २१.५ ग्रॅम एमडी जप्त केले असून, संशयितावर मुंबई नाका पोलिस ठाण्यात गुन्हा दाखल करण्यात आला आहे.
ही कारवाई पोलिस महासंचालकांच्या आदेशानुसार स्थापन करण्यात आलेल्या अमली पदार्थविरोधी टास्क फोर्सने (एएनटीएफ) केली आहे. या कारवाईमुळे एएनटीएफच्या कार्याची सुरुवात नाशिकमधूनच झाली आहे.
अटक करण्यात आलेल्या संशयिताचे नाव प्रतीक अडांगळे (रा. सिडको) असे असून, पोलिसांच्या माहितीनुसार तो मंगळवारी (ता. ४ नोव्हेंबर) मुंबई नाका परिसरात एमडी विक्रीसाठी येणार असल्याची माहिती मिळाली होती. त्यानुसार अमली पदार्थविरोधी टास्क फोर्सच्या पथकाने गायकवाडनगरच्या प्रवेशद्वारावर सापळा रचून संशयिताला अटक केली.
संशयिताच्या ताब्यातून २१.५ ग्रॅम एमडी हा अमली पदार्थ जप्त करण्यात आला असून, त्याची बाजारातील किंमत अंदाजे ₹६५,००० इतकी आहे. कारवाईनंतर संशयिताला मुंबई नाका पोलिसांच्या ताब्यात देण्यात आले आहे.
अमली पदार्थविरोधी टास्क फोर्स (एएनटीएफ) ची स्थापना: (Nashik MD Drug Seizure)
महाराष्ट्र राज्यात अमली पदार्थविरोधी कारवायांना गती देण्यासाठी केंद्रीय गृह मंत्रालयाच्या निर्देशानुसार “एएनटीएफ” स्थापन करण्यात आले आहे. या फोर्सचे नेतृत्व विशेष पोलिस महानिरीक्षकांकडे असून, पुणे गुन्हे अन्वेषण विभागाच्या अपर पोलिस महासंचालकांच्या नियंत्रणाखाली त्याचे कामकाज सुरू झाले आहे.
या फोर्सचे उद्दिष्ट — अमली पदार्थांची शेती नष्ट करणे, ड्रग पेडलर्स व तस्करांवर कडक कारवाई करणे, गुन्ह्यांमधील दोषसिद्धीचे प्रमाण वाढवणे आणि राज्यभरातील पोलिस अधिकाऱ्यांना या संदर्भात प्रशिक्षण देणे हे आहे. नाशिकमधील ही कारवाई एएनटीएफच्या कार्याची पहिली नोंद ठरली आहे. (Nashik MD Drug Seizure)
संशयित प्रतीक अडांगळेचा गुन्हेगारी इतिहास:
प्रतीक अडांगळे हा पूर्वीपासूनच गुन्हेगारी पार्श्वभूमी असलेला सराईत आरोपी आहे. अंबड पोलिस ठाण्यात त्याच्याविरुद्ध मारहाण, प्राणघातक हल्ला, शस्त्र बाळगणे आणि खूनाचा प्रयत्न असे तब्बल १२ गुन्हे दाखल आहेत. याच्यावर एमपीडी कायद्यांतर्गत नजरकैदेची कारवाईही झाली होती. एक वर्षापूर्वी तो कारागृहातून सुटला असून, पुन्हा गुन्हेगारी क्षेत्रात सक्रिय झाला होता. (Nashik MD Drug Seizure)
मुंबई नाका पोलिसांच्या तत्पर कारवाईमुळे हा संशयित सापडून पोलिसांच्या जाळ्यात अडकला आहे.
MHDU News : Vishal Bhadane
Bombing fishing, huh? That sounds like some seriously explosive fun! I gotta give it a try. Wish me luck! Dive in with bombing fishing!
CasinoPlusPHLogin, been playing here for a while now. Easy peasy registration and decent selection of games. Definitely worth checking out if you’re looking for some easy fun!casinoplusphlogin