Anand I Power LTD Workers Wage Agreement
सातपूर, नाशिक : नाशिकमधील सातपूर औद्योगिक वसाहतीतील आनंद आय पावर लिमिटेड कंपनीतील कामगारांसाठी आनंदाची बातमी समोर आली आहे. कंपनी व्यवस्थापन आणि सीटू प्रणित आनंद आय पावर लिमिटेड नाशिक कामगार संघटना यांच्यात वेतनवाढीचा चार वर्षांचा करार संपन्न झाला आहे. या करारानुसार कामगारांना चार वर्षांच्या कालावधीत एकूण १२ हजार ५०० रुपयांची वेतनवाढ मिळणार असून, पहिल्या वर्षापासूनच ८ हजार ३०० रुपयांची पगारवाढ लागू होणार आहे.
१४० कायमस्वरूपी कामगारांना मिळणार लाभ _ Anand I Power LTD Workers Wage Agreement
या कराराचा लाभ कंपनीतील सुमारे १४० कायमस्वरूपी कामगारांना मिळणार आहे. करारानंतर कामगारांचे किमान मासिक वेतन ४५ हजार रुपये, तर कमाल मासिक वेतन ६५ हजार रुपयांपर्यंत होणार असल्याची माहिती देण्यात आली आहे. याशिवाय, मुंबई महागाई भत्ता आठ पैसे प्रति पॉइंट या दराने देण्याचेही निश्चित करण्यात आले आहे.
बोनस, मेडिक्लेम आणि इतर सुविधांमध्ये वाढ _ Anand I Power LTD Workers Wage Agreement
वेतनवाढीच्या करारामध्ये कामगारांसाठी विविध आर्थिक लाभ आणि सुविधांचा समावेश करण्यात आला आहे.
- वेतनवाढ: चार वर्षांत एकूण १२,५०० रुपये.
- पहिल्या वर्षातील वाढ: ८,३०० रुपये.
- बोनस: ४१,००० रुपये.
- फॅमिली फ्लोटर मेडिक्लेम: २ लाख रुपयांचे आरोग्य विमा संरक्षण.
- अलाउन्सेस: सर्व भत्त्यांमध्ये प्रत्येकी दोन रुपये प्रतिदिन वाढ.
- थकबाकी (एरिअर्स): १४ महिन्यांची थकबाकी १०० टक्के दराने देण्यात येणार असून, ती अंदाजे १ लाख १५ हजार रुपये असेल.
- सेवानिवृत्त कामगार: नियमानुसार ७५ टक्के एरिअर्स देण्यात येणार.
- मेडिकल लोन: १५ हजार रुपये.
- हाउसिंग लोन: ३० हजार रुपये.
- मॅरेज लोन: ३० हजार रुपये.
एरिअर्सची रक्कम डिसेंबर आणि फेब्रुवारी या दोन टप्प्यांत कामगारांना देण्यात येणार आहे.
उत्पादनात पाच टक्के वाढ देण्याचे आश्वासन
वेतनवाढीच्या बदल्यात कंपनीला उत्पादनात पाच टक्के वाढ देण्याचे कामगार संघटनेच्या वतीने मान्य करण्यात आले आहे. यासोबतच उत्पादन आणि उत्पादकता या विषयांवर कंपनी व्यवस्थापन व कामगार संघटना यांच्यात चर्चा होऊन दोन्ही पक्षांमध्ये एकमत झाले.
सातपूर औद्योगिक वसाहतीतील पूर्वीची परफेक्ट सर्कल आणि सध्याची आनंद आय पावर लिमिटेड या कंपनीतील कामगारांसाठी हा करार महत्त्वपूर्ण मानला जात आहे.
व्यवस्थापन आणि कामगार संघटनेच्या प्रतिनिधींच्या स्वाक्षऱ्या _ Anand I Power LTD Workers Wage Agreement
या करारावर कंपनी व्यवस्थापनाच्या वतीने सीईओ मयूर बंब, एचआर हेड विजय निकुंभ, फॅक्टरी प्रोडक्शन हेड प्रशांत बोरकर आणि भगत यांनी स्वाक्षऱ्या केल्या.
कामगार संघटनेच्या वतीने सीटूचे राष्ट्रीय उपाध्यक्ष डॉ. डी. एल. कराड, उपाध्यक्ष सिताराम ठोंबरे, चिटणीस संतोष काकडे, जनरल सेक्रेटरी तुकाराम सोनजे, तसेच युनियन कमिटी सदस्य सुनील गमे, नवनाथ चव्हाण, नितीन बोरसे, विजय भोसले, निखिल गुळवे आणि भाऊसाहेब टिळे यांनी करारावर स्वाक्षऱ्या केल्या.
कामगारांकडून कराराचे स्वागत _ Anand I Power LTD Workers Wage Agreement
करार करण्याच्या प्रक्रियेत कंपनीचे सीईओ मयूर बंब, एचआर हेड विजय निकुंभ आणि सीटूचे राष्ट्रीय उपाध्यक्ष डॉ. डी. एल. कराड यांनी मार्गदर्शन केले. करारातील तरतुदी कामगारांना वाचून दाखवण्यात आल्यानंतर कामगारांनी त्याचे उत्स्फूर्त स्वागत केले. वेतनवाढीसह विविध सुविधांचा लाभ मिळणार असल्याने कामगारांमध्ये आनंदाचे वातावरण निर्माण झाले.
प्रतिनिधी : कुणाल दाणेच _ Anand I Power LTD Workers Wage Agreement