Himalayan Glaciers and Environmental Threat
हिमालयातील बर्फ वेगाने वितळणे, हिमनद्या फुटणे, ढगफुटी आणि वाढत्या नैसर्गिक आपत्तींच्या घटनांमुळे भारतासह नेपाळ आणि हिमालयीन प्रदेशातील देशांसमोर गंभीर पर्यावरणीय संकट निर्माण झाले आहे. या संकटाचा परिणाम केवळ हिमालयीन भागापुरता मर्यादित राहणार नसून भविष्यात नदीच्या पाणीप्रवाहावर, पूरस्थितीवर तसेच समुद्राच्या पातळीवरही परिणाम होण्याची शक्यता व्यक्त केली जात आहे.
नेपाळचे परराष्ट्र मंत्री शिशिर खनाल यांनी हिमालयाच्या संरक्षणासाठी भारत, चीन, नेपाळ आणि भूतान या चारही देशांनी एकत्रितपणे काम करण्याची गरज व्यक्त केली आहे. राजकीय मतभेद बाजूला ठेवून हिमालयीन पर्यावरणाचे रक्षण करण्यासाठी प्रादेशिक सहकार्य वाढवणे आवश्यक असल्याचे त्यांनी सांगितले._ Himalayan Glaciers and Environmental Threat
नेपाळ-चीन सीमाभागात नुकत्याच झालेल्या ढगफुटी आणि हिमनदी फुटण्याच्या घटनेमुळे नद्यांना मोठा पूर आला असून, या नैसर्गिक आपत्तीमुळे मोठ्या प्रमाणात नुकसान झाले. या घटनेचा भारतीय सीमावर्ती भागावर यावेळी मोठा परिणाम झाला नसला, तरी भविष्यात अशा घटनांची तीव्रता वाढल्यास भारतालाही त्याचा फटका बसण्याची शक्यता असल्याचे खनाल यांनी नमूद केले.
हवामान बदलामुळे हिमालयाची नाजूक पर्यावरणीय व्यवस्था झपाट्याने कमकुवत होत आहे. हिमनद्या वितळण्याचा वेग वाढल्याने सुरुवातीच्या काळात नद्यांच्या पाणीप्रवाहात वाढ आणि पूरस्थिती निर्माण होऊ शकते. मात्र, दीर्घकाळात हिमनद्यांचे प्रमाण कमी झाल्यास दक्षिण आशियातील अनेक नद्यांच्या पाणीपुरवठ्यावर परिणाम होण्याची भीती आहे.
हिमालयातून मिळणाऱ्या गोड्या पाण्यावर दक्षिण आशियातील जवळपास २०० कोटी लोकांचे जीवन आणि उपजीविका अवलंबून असल्याचे खनाल यांनी सांगितले. त्यामुळे हिमालयाचे संरक्षण हा केवळ भारत, नेपाळ किंवा कोणत्याही एका देशाचा प्रश्न नसून संपूर्ण दक्षिण आशियाच्या भवितव्याशी संबंधित विषय आहे.
या पार्श्वभूमीवर भारत, चीन, नेपाळ आणि भूतान या चारही देशांनी राजकीय मतभेद बाजूला ठेवून हिमालयीन पर्यावरणाचे संरक्षण, आपत्ती व्यवस्थापन, जलसुरक्षा आणि हवामान बदलाच्या परिणामांवर संयुक्तपणे काम करावे, असे आवाहन करण्यात आले आहे.
प्रतिनिधी : दिपक सरोदे _ Himalayan Glaciers and Environmental Threat
[…] […]
Finally found a platform that doesn’t lag during peak hours. The customer support was also very helpful when I had a question about my deposit. Love plataforma55ubet.