Pro Kabaddi Thrill In Nashik

नाशिक : मराठा विद्या प्रसारक समाज संस्थेतर्फे प्रो-कबड्डीच्या धर्तीवर जिल्हास्तरीय ‘कर्मवीर चषक कबड्डी स्पर्धा’ आयोजित करण्यात आली आहे. ही भव्य स्पर्धा २६ आणि २७ डिसेंबर रोजी के.टी.एच.एम. महाविद्यालयाच्या मैदानावर पार पडणार आहे.

शुक्रवारी सकाळी ११ वाजता पोलीस आयुक्त संदीप कर्णिक यांच्या हस्ते स्पर्धेचे उद्घाटन होणार असून अध्यक्षस्थानी मविप्रचे सभापती बाळासाहेब क्षीरसागर राहणार आहेत. ही स्पर्धा १७ वर्षे वयोगटासाठी बाद फेरी आणि साखळी पद्धतीने प्रो-कबड्डीच्या अधिकृत नियमांनुसार खेळवली जाणार आहे. (Pro Kabaddi Thrill In Nashik)

२४ नोव्हेंबर रोजी जिल्ह्यातील १६ केंद्रांवर तालुकास्तरीय स्पर्धा पार पडल्या होत्या. या प्रत्येक केंद्रावर २६ संघ सहभागी झाले होते. एकूण ४१६ संघांतील सुमारे ५ हजार खेळाडूंनी सहभाग नोंदवला होता. त्यातून निवड झालेले मुले व मुलींचे प्रत्येकी १६ असे एकूण ३२ संघ जिल्हास्तरीय अंतिम स्पर्धेत भिडणार आहेत. (Pro Kabaddi Thrill In Nashik)

खेळाडूंना प्रो-कबड्डीच्या धर्तीवर आकर्षक रंगीत गणवेश, बूट व संपूर्ण क्रीडा साहित्य दिले जाणार आहे. सामन्यांचे थेट प्रक्षेपण समाजमाध्यमांवर करण्यात येणार असल्याने क्रीडाप्रेमींना घरबसल्या या थराराचा आनंद घेता येणार आहे.

विजेत्या मुले व मुलींच्या संघांना प्रत्येकी ३१ हजार रुपये रोख व कर्मवीर चषक, द्वितीय क्रमांकासाठी २१ हजार रुपये, तर तृतीय क्रमांकासाठी ११ हजार रुपये रोख व चषक दिले जाणार आहेत. तसेच उत्कृष्ट कामगिरी करणाऱ्या खेळाडूंना ‘सर्वोत्कृष्ट खेळाडू’ पुरस्कार देऊन गौरविण्यात येणार आहे. (Pro Kabaddi Thrill In Nashik)

समारोपप्रसंगी प्रो-कबड्डी खेळाडू व आशियाई कबड्डी सुवर्णपदक विजेता आकाश शिंदे, शिवछत्रपती पुरस्कार विजेते क्रीडा शिक्षक संजय होळकर, इराण कबड्डी संघाच्या प्रशिक्षक शैलजा जैन, तसेच खेळाडू भक्ती कुलकर्णी व निर्मला भोई यांचा विशेष सत्कार करण्यात येणार आहे.

MHDU News : Vishal Bhadane Pro Kabaddi Thrill In Nashik

Nashik Rojgar Melava 2026 :खुशखबर! नाशिक रोजगार मेळावा आयोजित !! | Nashik Job Fair 2026

Pro Kabaddi Thrill In Nashik

The Maratha Vidya Prasarak Samaj has organized a district-level ‘Karmaveer Chashak Kabaddi Tournament’ on the lines of Pro Kabaddi. The tournament will be held on 26th and 27th December at the K.T.H.M. College ground.

The inauguration will take place on Friday at 11 am at the hands of Police Commissioner Sandeep Karnik, while MVP Samaj Chairman Balasaheb Kshirsagar will preside over the event. The tournament will be conducted for the Under-17 age group following Pro Kabaddi rules with knockout and league formats.

Earlier, taluka-level competitions were held on 24th November across 16 centers in the district. A total of 416 teams comprising nearly 5,000 players participated. From these, 32 winning teams (16 boys’ and 16 girls’ teams) have qualified for the district-level finals.

Players will be provided with professional kits including colorful jerseys and shoes. The matches will also be live-streamed on social media platforms, allowing sports lovers to enjoy the thrill from home.

Winning teams in both boys’ and girls’ categories will receive cash prizes of ₹31,000 along with the Karmaveer Trophy. The runners-up will get ₹21,000, while third-place teams will receive ₹11,000 each. Outstanding players will also be honored with Best Player Awards.

During the closing ceremony, eminent kabaddi personalities including Asian gold medalist Akash Shinde, Shiv Chhatrapati awardees Sanjay Holkar, Bhakti Kulkarni, Nirmala Bhoi, and Iranian kabaddi team coach Shailaja Jain will be felicitated.