Nashik Kumbh Mela Digital Tracking System
नाशिक– त्र्यंबकेश्वर सिंहस्थ कुंभमेळ्याचे काऊंटडाऊन अधिकृतपणे सुरू झाले असून, आता कुंभमेळ्याशी संबंधित सर्व विकासकामांवर ‘डिजिटल नजर’ ठेवली जाणार आहे. सिंहस्थ कुंभमेळा प्राधिकरणाने विकसित केलेल्या ऑनलाइन ट्रॅकिंग प्रणालीमुळे एका क्लिकवर सर्व कामांची सद्यःस्थिती समजून घेता येईल.
या प्रणालीद्वारे कामांच्या मंजुरीपासून, काम सुरू होण्याची तारीख, प्रगती, आणि पूर्णत्वाचा दाखला अशी सर्व माहिती एका केंद्रीकृत ठिकाणी उपलब्ध होईल. वरिष्ठ अधिकाऱ्यांना या प्रणालीचे प्रशिक्षण सोमवार (ता. ३ नोव्हेंबर) पासून दिले जाणार आहे.
३१ ऑक्टोबर २०२६ रोजी ध्वजारोहणासह सिंहस्थ कुंभमेळ्याचा शंखनाद होईल. यंदाच्या सिंहस्थासाठी भाविकांची सुरक्षितता, वाहतूक नियंत्रण, घाटांचे बांधकाम, रस्ते आणि महामार्गांचे रुंदीकरण, तसेच पाणीपुरवठा आणि वीज यांसारख्या महत्त्वाच्या सोयींच्या कामांना गती देण्यात आली आहे. (Nashik Kumbh Mela Digital Tracking System )
राज्य शासनाने ३१ मार्च २०२७ ही अंतिम मुदत ठरवली असून, कमी कालावधीत मोठ्या प्रमाणात प्रकल्प पूर्ण करण्यासाठी ही डिजिटल प्रणाली मोठी मदत ठरणार आहे. (Nashik Kumbh Mela Digital Tracking System )
या संकल्पनेमागे कुंभमेळा प्राधिकरणाचे अध्यक्ष आणि विभागीय आयुक्त डॉ. प्रवीण गेडाम यांची कल्पकता आहे. या प्रणालीमुळे प्रत्येक टप्प्यावर प्रगती तपासता येईल आणि यंत्रणा तसेच ठेकेदारांनी अपलोड केलेल्या कामाच्या माहितीवरूनच बिले अदा केली जातील. (Nashik Kumbh Mela Digital Tracking System)
🔹 कामांसाठी गुलाबी रंग आणि खास लोगो
सिंहस्थ कुंभमेळ्यांतर्गतच्या सर्व कामांसाठी गुलाबी रंग हा अधिकृत रंग म्हणून ठरविण्यात आला आहे. त्यामुळे एखाद्या भागात सिंहस्थाचे सुरू असलेले किंवा पूर्ण झालेलं काम लगेच ओळखता येईल.
🔹 प्रथम टप्प्यात अधिकाऱ्यांना लॉगिन अधिकार
पहिल्या टप्प्यात सर्व संबंधित विभागीय अधिकाऱ्यांना लॉगिन आयडी आणि पासवर्ड देण्यात येतील. दुसऱ्या टप्प्यात संबंधित ठेकेदारांनाही प्रवेश देण्यात येईल, ज्याद्वारे प्रत्येक टप्प्यावरची माहिती आणि छायाचित्रे अपलोड करता येतील.
या ‘डिजिटल ट्रॅकिंग सिस्टम’मुळे सिंहस्थ कुंभमेळ्याची पारदर्शकता आणि गती दोन्ही वाढणार आहेत. 🚀
MHDU News : Vishal Bhadane Nashik Kumbh Mela Digital Tracking System
Been messing around on 52bet1 for a bit. Seems like a reliable spot with some good odds. Might be my new go-to. You can try it out here: 52bet1.
Just stumbled upon yeu882.info. Seems like a decent site. Gonna give it a shot and see if I can win something small yeu882